किन आउँदैछन नरेन्द्र मोदीका विशेष दूत शुक्रबार नेपाल
२०७२ भाद्र ३१ बिहीवार, काठमाडौं : गणतन्त्र नेपालको संविधान पारित भएपछि भारतीय प्रधानमन्त्री नरेन्द्र मोदीले आफ्ना दूत बनाएर शुक्रबार विदेश सचिवलाई नेपाल पठाउँदैछन् ।मोदीले विदेश सचिव सुभ्रमन्यम जयशंकरलाई दूत बनाएर नेपाल पठाउन लागेका हुन् । मोदीका विशेष दूत बनेर जयशंकर शुक्रबार बिहान ९ बजे काठमाडौं उत्रँदैछन् ।
उनले शुक्रबारै राष्ट्रपति डा. रामवरण यादव, प्रधानमन्त्री सुशील कोइराला र सबै दलका नेताहरुलाई भेट्ने कार्यक्रम रहेको छ । उनले शुक्रबार बिहान ११ बजे एमाले अध्यक्ष केपी शर्मा ओलीलार्इ बालकोटमा भेट्ने भएका छन्।उनले कांग्रेस सभापति तथा प्रधानमन्त्री सुशील कोइराला, एमाले अध्यक्ष केपी शर्मा ओली र एमाओवादी अध्यक्ष पुष्पकमल दाहाललाई छुट्टा छुट्टै भेट्ने भएका छन् ।
जयशंकरले मधेसवादी दलहरुसँग पनि बेग्लै भेट्ने कार्यतालिका छ । संविधान जारी हुनु दुई दिनअघि विदेश सचिव जयशंकर नेपाल आउनुमा विशेष अर्थ रहेको विश्लेषकहरुको भनाइ छ ।
मोदीले विशेष दूत बनाएर नेपाल आउन लागेका उनी संविधान जारी गर्ने विशेष कार्यक्रममा सहभागी नहुने भएका छन्।
शुक्रबार दिनभरी नेपालका दलहरुसँग भेटवार्ता गरेपछि उनी शनिबारै भारत फर्कने छन् । संविधानसभाबाट पारित संविधान आइतबार साँझ ५ बजे बस्ने बैठकले जारी गर्ने कार्यतालिका छ ।
=annapurna post
तपार्इंको प्रतिक्रिया तलको बक्समा लेख्नुस
0 comments for " किन आउँदैछन नरेन्द्र मोदीका विशेष दूत शुक्रबार नेपाल"
Leave a reply