अब नाका ठप्प पार्ने गरी आन्दोलन चर्काउँछौ
असोज ५, वीरगन्ज : नेपाल सदभावना पार्टीका राष्ट्रिय अध्यक्ष अनिल झाले अबको मधेश आन्दोलन भारतसंग जोडिएका सीमा र भन्सार नाका ठप्प पार्ने तर्फ केन्द्रित हुने बताएका छन् ।वीरगन्जको नारायणी उपक्षेत्रीय अस्पतालमा उपचार गराइररहेका घाइते आन्दोलनकारीहरुको अवस्था बुझन मंगलवार बिहान अस्पतालमै पुगेका अध्यक्ष झाले अहिलेको बन्द हडताल यथावत राख्दै अब भारतसंग जोडिएको मधेशका सबै सीमा नाका र भन्सार नाका ठप्प पार्ने गरि आन्दोलनलाइ चर्काउने बताए ।
सरकारले सेना र प्रहरीको आडमा मधेशबाट इन्धन लगायतका अत्यावश्कीय सामान पहाडमा ढुवानी गरिरहेको भन्दै उनले अब आमहड्ताललाई निरन्तरता दिदै भरतसंग जोडिएका मधेशका सैब सीमा र भन्सार नाका ठप्प पार्ने गरि आन्दोलन चर्काउने दावी गरे ।
भारतबाट काठमाण्डौ भित्रिने सवै सामानको ढुवानी ठप्प पार्ने स्वरुपको आन्दोलन भए मात्र सरकार र प्रमुख तीन दल मधेशीका सामु झुक्ने उनको भनाइ छ । उनले मधेशका माग सम्बोधन नभए सम्म आन्दोलन नरोकिने पनि स्पष्ट पारे ।
वार्ताको ढोका खुल्ला राख्दै आफुहरु आन्दोलनको रणभूमीमा रहेको भन्दै उनले तीन दलले जबरजस्ति बनाएको संविधान मधेशी जनाताले जलाएर अस्वीकार गरिदिएको बताए ।-annapurna post
तपार्इंको प्रतिक्रिया तलको बक्समा लेख्नुस
0 comments for "अब नाका ठप्प पार्ने गरी आन्दोलन चर्काउँछौ"
Leave a reply