यस्तो छ नाका खोल्न भारत डराउनुको कारण
काठमाडौं, १२ असोज । नेपालको संविधानमा असन्तुष्टि जनाउँदै भारतले अहिले अघोषित नाकाबन्दी गरिरहेको छ । अघोषित नाकाबन्दीका कारण भारत सरकारको चर्काे अलोचना भइरहेको छ । देशभित्रैबाट समेत भारत सरकारको नेतृत्व सम्हालिरहेका नरेन्द्र मोदीलाई नेपालमा लगाइएको नाकाबन्दी खोल्न चर्काे दबाब परेको छ । विश्वभर र देशभित्रैको चर्काे दबाबका कारण नाकाबन्दी हटाउने मनस्थितीमा मोदी पुगेको दिल्ली स्रोतले जनायो । तर, अझैपनि भारत सरकार नाका खोल्न आनाकानी गरिरहेको छ ।त्यसको कारण मधेसी मोर्चा । मधेसी मोर्चाका १०/१२ जना कार्यकर्ताको डरले भारतले नाकाबन्दी नखुलाएको स्रोतको दाबी छ । माथि राखिएको फोटोमा मधेसी नेता जेपी गुप्तासहित १०/१२ जना नेता कार्यकर्ता सीमा नाकामा धर्ना दिइरहेका छन् । उनीहरुले महोत्तरीमा सीमा नाकामा अवरोध खडा गरेका छन् । मधेसी मोर्चाका यी १०/१२ नेताको धर्नाको कारण भारतले नाकाबन्दी खोल्न डराएको उसले जारी गरेका व्यक्तव्यमा प्रष्टसँग उल्लेख गरिएको छ । पछिल्लो समय भारतले जारी गरेका वक्तव्यमा मधेसी मोर्चाको अवरोधका कारण सामग्री ढुवानी गर्न नसकिएको र मधेसको समस्या समाधान गरेमात्रै नाकाबन्दी खुल्ने जनाएको छ ।
उसो १०/१२ जनालाई स्थानीय प्रशासनले लखेटेर सहज रुपमा नाकाबाट सामग्री आयात गर्न सक्छ । तर, भारत यिनै १०/१२ जना मधेसी मोर्चाका नेता कार्यकर्तासँग डराएर नाका खोल्न मानेको छैन् । नेपालको संविधानमा असन्तुष्टि जनाएको भारतले मधेसी मोर्चाका १०/१२ नेताको डर मानेरै महोत्तरीका नाका बन्द गरेको हो त ? यो प्रश्न पनि यहाँनेर आउँछ । भारतले नाका खोलिदिए १०/१२ जनालाई तह लगाउन सकिन्छ तर, त्यसो भइरहेको छैन् । यहाँनेर भारतले बहाना बनाएको प्रष्ट देखिन्छ । तर, उसका पछिल्ला वक्तव्यले मधेसी मोर्चाका १०/१२ नेता कार्यकर्तासँग डराएरै नाकाबन्दी खुलाउन नचाहेको देखिन्छ ।
यसो भन्छन् जेपी गुप्ताः तराई मधेस राष्ट्रिय अभियानका संयोजक जय प्रकाश गुप्ता आज दिउसो जलेस्वर–भिठ्ठामोड बोर्डरमा धरनामा बस्नुभयो । उक्त समयमा उहाँले भन्नुभयो- ‘मधेसी जनता बर्षौदेखि आफ्ना मागहरु राख्दै आएको हो । भारतले त पहिलो पटक मधेसीको मागमा सानो सहानुभूति देखाएको हो । मधेसीको मागलाई भारतको माग भनी गलत ब्याख्या गर्नु भन्दा राज्यले मधेसीको माग पुरा गर्नुपर्दछ । त्यसपछि पनि सीमामा नाकाबन्दी भए भारतलाई दोष दिनु ठिक ठहर्छ । मधेसीको मागबाट जनताको ध्यान अन्त लान राज्यले बदनीयत पूर्ण तरिकाले भारतलाई समस्या बताउँदै छ । यसबाट समस्या अझ जटिल बनाएको छ, राज्यले’ गुप्ताले भन्नुभयो । -दैनिकनेपालबाट
तपार्इंको प्रतिक्रिया तलको बक्समा लेख्नुस
0 comments for "यस्तो छ नाका खोल्न भारत डराउनुको कारण"
Leave a reply